Чырвоны гальштук піянера – яго гонар, яго чэсць

Дата: 13 декабря 2018 в 08:52

Автор: Бондаренко Т. В.

498 просмотров

У нашай установе адукацыі прайшоў піянерскі збор “Чырвоны гальштук піянера – яго гонар, яго чэсць”. Вядучыя пазнаёмілі нас з выставай “Гісторыя піянерскага гальштука”,

У нашай установе адукацыі прайшоў піянерскі збор “Чырвоны гальштук піянера – яго гонар, яго чэсць”. Вядучыя пазнаёмілі нас з выставай “Гісторыя піянерскага гальштука”, на якой размясціліся гальштукі розных гадоў. Мы даведаліся, што ў 1922 годзе была створана піянерская арганізацыя імя Спартака і першы піянерскі гальштук быў квадратнай формы. Яго складалі па дыяганалі і насілі як гальштук. Першыя піянерскія атрады вучыліся маршыраваць, вучылі азбуку Морзэ, сігналізацыю сцяжкамі, займаліся спортам, хадзілі ў паходы, працавалі ў майстэрнях. Яны вывучалі законы піянераў, праводзілі зборы, адзначалі святы. Гарадскія піянеры дапамагалі ствараць у вёсках піянерскія атрады. У адной вёсцы ў дзяцей не было гальштукаў, і гарадскія піянеры разрэзалі свае гальштукі на трохвугольнікі. Адну палову аставілі сабе, а другую ўручылі вясковым сябрам. Так з’явіўся гальштук трохвугольнай формы.

У 1924 годзе піянерская арганізацыя стала насіць імя У.І.Леніна, а піянерскі гальштук стаў сімвалам піянераў.

Уважліва слухалі ўсе прысутныя пра гераізм піянераў у гады Вялікай Айчыннай вайны. Якую мужнасць праяўлялі яны, калі адмаўляліся здымаць піянерскі гальштук па загаду фашыстаў! Чырвоны піянерскі гальштук для іх быў даражэйшы нават за жыццё. І ў партызанскіх атрадах, і канцэнтрацыйных лагерах, рызыкуючы сваім жыццём, дзеці папаўнялі рады піянераў.

Вучні 7 класа падрыхтавалі прэзентацыю пра піянераў-герояў Савецкага Саюза: Марата Казея, Зіну Партнову, Лёню Голікава, Валю Коціка і расказалі пра іх подзвігі. Затым ўсе дружна адказвалі на пытанні віктарыны пра гальштук.

Цікава было даведацца пра першыя піянерскія гальштукі Беларускай рэспубліканскай піянерскай арганізацыі, якая была створана ў 1990 годзе. Гальштукі ў піянераў у той час былі розныя. Пяцікласнікі былі піянерамі-“даследчыкамі” і насілі чырвоны гальштук з зялёнай палоскай, шасцікласнікі былі піянерамі-“выпрабавальнікамі”, а іх гальштукі - з зялёнай і сіняй палоскамі, а сямікласнікі былі “лідарамі”, і ў іх на гальштуку дабаўлялася трэцяя белая палоска. З 2006 года мы носім чырвона-зялёныя гальштукі, якія падобныя на наш беларускі сцяг.

Затым старшыня савета дружыны расказаў аб поспехах піянераў нашай школы ў вучобе і спорце, іх удзеле ў раённых і абласных конкурсах, акцыях. Самым актыўным піянерам педагог-арганізатар уручыла граматы і пажадала здароўя, аптымізму, задору і актыўнасці. У заключэнне збора ўсе праспявалі гімн піянераў Беларусі.

Мы добра разумеем, што ад нас саміх залежыць, якім будзе наша піянерскае жыццё: цікавым, насычаным ці не вельмі, таму ўсе мы актыўна ўдзельнічаем ва ўсіх мерапрыемствах.

Бандарэнка Анастасія

старшыня піянерскай дружыны “Зорная”

Все новости

Комментарии:

Оставлять комментарии могут только авторизованные посетители.

Телефоны: (801718)65777, (801718)60530

Email: sutkov.upk@uzda.gov.by

Электронные журналы в Беларуси