Падрыхтавала: настаўнік пачатковых класаў Козіч Алена Генадзьеўна
Тэма: Васіль Гурскі “Лясная сталоўка”
Мэта: Фарміраваць уменні і навыкі правільнага, выразнага і свядомага чытання; развіваць уменне дзяліць тэкст на часткі, складаць план, вылучаць апорныя словы да кожнага пункта плана; выхоўваць любоў да прыроды, клапатлівыя адносіны да жывёл, цікавасць да літаратуры.
Ход урока:
І. Арганізацыйны пачатак урока
ІІ. Праверка дамашняга задання
ІІІ Маўленчая размінка:
На ружовістай рабіне –
Цэлы дзень канцэрт птушыны.
Вераб’і і снегіры
Сёння тут гаспадары.
Дружна ягады дзяўбуць,
Песні звонкія пяюць. М. Пазнякоў
- Дзе спяваюць птушкі? (На рабіне)
- На рабіне якой? (На ружовістай)
- Чаму рабіну называюць ружовістай? (Уся ў ягадах)
- Як вы разумееце выраз “канцэрт птушыны”? знайдзіце адказ ў вершы.
- Чаму вераб’ёў і снегіроў называюць гаспадарамі рабіны?
Новая тэма:
І. Паведамленне тэмы ўрока. Пастаноўка задач урока вучнямі.
ІІ. Падрыхтоўка вучняў да ўспрымання тэксту?
- Растлумачце значэнне слова абшар. Якім сінонімам можна яго замяніць? (Наваколле)
- Прачытайце правільна слова спіна. У беларускай мове націск у гэтым слове ставіцца на першы склад.
- Як вы разумееце выраз “Дапёктакі мароз”. Каго можна дапякчы?
- Растлумачце сэнс слова камель. Пакажыце яе на малюнку.
- Як вы разумееце слова габляваць? Чым габлююць? Што выкідваецца зпад гэбліка? (Стружка)
ІІІ. Чытанне казкі настаўнікам.
ІІІІ. Праверка першага ўспрымання казкі:
- Пра што гаворыцца ў творы?
- Што гэта – казка ці апавяданне?
- Хто пабудзіў лясных жыхароў?
- Якім паказаны Дзед Мароз?
- Чаму Дзед Мароз і Мяцеліца пішуцца з вялікай літары?
- Назавіце, хто наведваў лясную сталоўку?
5. Самастойнае чытанне казкі вучнямі.
Фізкультхвілінка:
Выходзьце з-за парт
І стройцеся ў рад.
Зробім на хвілінку
Фізкультурную размінку.
- Пакажыце, як Дзед Мароз прачнуўся, заварушыўся, закрактаў, затрос ад злосці барадой.
- Пакажыце, як зайчык-шарак паскакаў між кустоў, пабегалі яны з зайцам-беляяком навыперадкі, вярнуліся назад, пачалі грызці тонкія галінкі лазы. Лаза горкая, але смачная.
6. Падзел казкі на часткі, назва кожнай часткі.
7. Аналіз казкі:
- Што рабіў Дзед Мароз пад прамянямі?
Якое сонца было? Чаму нізкае?
- Куды схавалася сонца?
- Якія былі прамяні? Чаму цёплыя, а не гарачыя?
- Што зрабіў Дзед Мароз?
- Які быў вецер?
- Дзе ляжаў заяцшарак?
- Якое футра ў зайцашарака?
- Каго сустрэў заяцшарак?
- Чым займаліся зайцы? Зачытайце.
- Кару якіх дрэў абгрызалі зайцы?
- Якой была кара на смак?
- Адкуль вылез бабёр? Куды?
- Чым харчаваўся бабёр? Зачытайце.
- Якія выразы можна ўзяць за прыказку?
- Як пазналі, што казуля падбегла да сталоўкі?
- Хто спалохаў казулю? Як?
- Што елі ласі? Як? Зачытайце.
- Што было “другой” стравай ласёў? “Трэцяй”?
- Чым займаліся ласі пасля абеду?
- Адкуль прыляцеў дзяцел?
- На якім паверсе снедаў дзяцел? Як вы гэта ўяўляеце?
- Чым харчуецца дзяцел?
- Якія яшчэ вялікія птушкі нашай мясцовасці прылятаюць у сталоўку?
- Чым яны харчуюцца?
- Хто яшчэ спяшаецца да хваёвых дрэў?
- Як назваў аўтар вавёрак? Чаму?
- Чым яны харчуюцца?
- Колькі працуе лясная сталоўка?
- Ці загінуць зімою лясныя жыхары?
- Што можа зрабіць чалавек для таго, каб лясным жыхарам лягчэй было перанесці зіму?
7. Заданне: падабраць выразы з тэксту для подпісу малюнкаў (на выставе каля дошкі)
8. Выпісаць з тэксту словы і выразы
Дамашняе заданне: запісаць план казкі і пераказваць па плане.
