Па-гайдараўску жывём

Дата: 24 января 2019 в 15:58

Автор: Бондаренко Т. В.

268 просмотров

У піянерскай дружыне “Зорная” ДУА “Суткаўскі вучэбна-педагагічны комплекс дзіцячы сад-базавая школа” прайшлі мерапрыемствы з нагоды 115-гадавіны з Дня нараджэння А.П.Гайдара.

На выхаваўчай гадзіне “Наш Гайдар” педагог-арганізатар Малашэвіч Т.М. прадставіла прэзентацыю пра жыццё і творчасць пісьменніка. Прайшоў “Парад гайдараўскіх кніг”. Вядучыя Бандарэнка А. і Зяньковіч А. пазнаёмілі прысутных з кнігамі А.П.Гайдара: “Р.В.С.”, “Школа”, “Дым у лесе” , Чук і Гек”, “Ваенная тайна”, “Лёс барабаншчыка”, “Цімур і яго каманда” і інш. З цікавасцю дзеці слухалі кароткі змест,разглядалі кнігі, якія хацелася пачытаць.

Пераможцамі віктарыны па аповесці А.Гайдара “Цімур і яго каманда” сталі Казакевіч Арына і Барышнікава Алеся. Атрадныя важатыя арганізавалі і правялі гульню-падарожжа “Наш Гайдар”. На кожнай станцыі важатыя ацэньвалі нашы здольнасці і веды, выстаўлялі балы. Пераможцай стаў піянерскі атрад імя Валі Коціка.

Напісаная перад самай вайной кніга “Цімур і яго каманда” паклала пачатак цімураўскага руху. А гэта перш за ўсё клопат аб нашай рэспубліцы, сем’ях воінаў, загінуўшых, ветэранах, адзінокіх і малодшых. А.П.Гайдар умеў выхоўваць у юных грамадзян любоў да Радзімы, народа, роднага краю.

На класных гадзінах “Па-гайдараўску жывём” піянеры абмяркоўвалі цімураўскую работу ў атрадах і намецілі планы на будучыню. Пажылыя людзі ўдзячны нам за тое, што мы аказваем дапамогу ва ўборцы ўраджаю, убіраем лісце вакол двара, займаемся добраўпарадкаваннем прылягаючай да дома тэрыторыі, а ў зімовы час – чысцім сцежкі ад снегу, цікавімся справамі.

Акружыць пажылых людзей клопатам стала добрай традыцыяй у нашай установе адукацыі.

Бандарэнка Анастасія,

старшыня савета дружыны

Все новости

Комментарии:

Оставлять комментарии могут только авторизованные посетители.

Телефоны: (801718)65777, (801718)60530

Email: sutkov.upk@uzda.gov.by

Электронные журналы в Беларуси